Мальдини ва Златан "Милан"дан кетиши мумкин

“РБ Лейпциг” клуби собиқ бош мураббийи Ральф Рангникда ҳали ҳам “Милан”га келиш имконияти бор. Аммо, унга бу борада тўсиқлар кўпаймоқда.

SportMediaset нашрининг ёзишича, 61 ёшли мутахассиснинг “россонерилар” сафига кўчиб ўтишига жамоанинг техник директори Паоло Мальдини ва ҳужумчи Златан Ибрагимович тўсқинлик қилиши мумкин.

Мальдинининг обрўси ва унинг “россонерилар” трансфер бозоридаги таъсири Рангникнинг трансфер сиёсатини ўзи бошқаришига йўл қўймайди. Бундан ташқари, Ральф 38 ёшли Златан билан ҳам шартномани узайтирмоқчи эмас.

Шу тариқа “Милан”нинг ижрочи директори Иван Газидис Рангник келгунича Мальдини ва Ибрагимовичнинг масаласини ҳал қилиб қўйиши керак.