"Манчестер Сити" - "Арсенал" учрашуви қолдирилди. Лондонлик футболчилар коронавирус юқтириб олган бўлишлари мумкин

Англия премьер-лигасининг 28-туридан ўрин олган “Манчестер Сити” ҳамда “Арсенал” жамоалари учрашуви бугун 11 март куни бўлиб ўтиши керак эди.

Аммо, “Ноттингем Форест” ва “Олимпиакос” клублари хўжайини Евангелос Маринакисда коронавирус аниқлангач, жамоалар келишган ҳолда ўйинни бошқа кунга қолдиришга қарор қилишган.

Гап шундаки, 13 кун олдин “Олимпиакос” Европа лигаси доирасида “Арсенал” билан ўйин ўтказган. Ўшанда Маринакис “Арсенал” футболчилари ва раҳбарияти билан учрашган.

Шифокорлар тавсиясидан сўнг, “Арсенал” ва “Манчестер Сити” клублари вазиятни тўлиқ баҳолаш ва хавфларни бартараф этиш учун учрашувни кейинроққа қолдиришга қарор қилишган.