"Манчестер Сити" 119 йиллик рекордини янгилади

АПЛ 24-туридан ўрин олган учрашувда "Манчестер Сити" "Тоттенхэм" устидан 3:0 ҳисобида ғалаба қозонди.

Ушба натижа "шаҳарликларнинг" ўз майдонида қўлга киритган кетма-кет 6-ғалабаси ҳисобланади. Улар бу кўрсаткични 119 йилдан бери илк бор такрорлади. Шунингдек, Пеп Гвардиола шогирдлари "Этиҳад"да қаторасига 7 баҳсда дарвозасидан гол ўтказиб юбормади. Бу ҳам 1946-1947 йилги мавсумдан бери энг яхши натижа саналади.

Манчестерликлар Премьер-лигада 23 ўйин ўтказиб, энг яқин таъқибчисидан 7 очкога ўзиб кетган. "Сити" кейинги тур баҳсини "Арсенал" майдонида ўтказади.