"Манчестер Сити" футболчиси АПЛнинг бошқа клубига кўчиб ўтиши мумкин

"Манчестер Сити" ярим ҳимоячиси Матео Ковачич фаолиятини "Вест Хэм" клубида давом эттириши мумкин.

Хабарларга кўра, "шаҳарликлар" ярим ҳимоячиси Матео Ковачичнинг хизматларига Англиянинг "Вест Хэм" клуби жиддий қизиқиш билдирмоқда. Манбага кўра, "болғачилар" жамоа етакчиси Лукас Пакетанинг жамоани тарк этиши кутилаётгани сабаб хорватиялик футболчини унга ўринбосар сифатида кўрмоқда. Матеонинг "Трансфермаркт"даги нархи 15 миллион еврони ташкил этади. Унинг амалдаги шартномаси 2027 йилнинг ёзида якунига етади.

Маълумот учун, хавбек жорий мавсумда бор-йўғи иккита учрашувда майдонга тушди.