"Манчестер Сити" футболчиси мавсум сўнггига қадар сафдан чиқди

"Эвертон" бош мураббийи Дэвид Мойес жароҳат олган Жек Грилишнинг ҳолати ҳақида маълумот берди. 

"Менинг фикримча, Грилиш жарроҳлик амалиёти бошидан ўтказади ва бу уни мавсум охиригача сафдан чиқариши мумкин. Лекин бу ҳали узил-кесил тасдиқлангани йўқ. Жекнинг жароҳат олиши клуб учун қаттиқ йўқотиш. У жамоамизнинг жуда муҳим футболчиси ва клубдаги катта шахслардан бири. У "Эвертон"га келганидан сўнг жамоа учун кўп фойдаси тегди", - дейди шотландиялик мутахассис.

Эслатиб ўтамиз, "Эвертон" Жекни ёзда "Манчестер Сити"дан ижарага олган эди. Вингер жорий мавсум "ирислар" сафида 22 та учрашувда майдонга тушиб, 2 та гол ва 6 та голли узатмани ўз номига ёздириб қўйишга эришди.