"Манчестер Сити" ҳимоячиси қачон сафга қайтиши маълум бўлди

"Манчестер Сити" ҳимоячиси Натан Аке 10-11 ҳафта майдонга туша олмаслиги ойдинлашди. 
 
Хабарингиз бор, бир неча кун олдин Хосеп Гвардиола бошчилигидаги "шаҳарликлар" Англия кубоги доирасида "Плимут" билан баҳс олиб бориб, 3:1 ҳисобида зафар қучишган ҳолда, кейинги босқичга йўл олишди. 
 
Мазкур беллашувнинг биринчи бўлимидан сўнг Натан Аке алмаштирилди. Унинг ўрнида эса Рубен Диаш ҳаракат қилди. Учрашув якунланган сўнг маълум бўлдики, ҳимоячи оғир жароҳат олган. Ҳатто, буни жамоа бош мураббийи Гвардиола ҳам тасдиқлаган эди. 
 
Илк тиббий кўриклардан кейин унинг чап оёғи операция қилинган. Шу боис, Натаннинг жароҳатдан фориғ бўлиб, жамоага сафига қайтиши 10 ёки 11 ҳафтани талаб қилади. 
 
Маълумот ўрнида, 30 ёшли фулбек жорий мавсум манчестерликлар сафида 18 та беллашувда иштирок этишга улгурди.