“Манчестер Сити” икки юлдуз учун дашҳатли сумма тикяпти

Мавсумни совринларсиз якунлаши аниқ бўлган “Манчестер Сити” ёзги трансферлар даврида таркибини жиддий тарзда кучайтиришга ҳаракат қилади.

Mirror нашрининг ёзишича, “шаҳарликлар” жорий мавсумни юқори даражада ўтказаётган икки ўйинчи учун 214 миллион евродан зиёдроқ пул тикишга тайёр.

Хосеп Гвардиола ўз жамоасида “Баёер” етакчиси Флориан Вирц ва “Милан”нинг энг бугунги кундаги энг зўр ўйинчиси Тежани Рейндерсни кўрмоқчи. Манчестерликлар бу трансферларни имкон қадар клублар ўртасидаги жаҳон чемпионати бошланадиган сана – 15 июнгача уддалашни мақсад қилган.

Манбага кўра, “Манчестер Сити” мутасаддилари Флориан Вирц учун 119 миллион евро ажратишга рози. “Милан” вакили трансферига 66 миллион евро йўналтирилиши айтилмоқда.

Манчестерлик мутасаддилари Вирц учун талаб қилинаётган сумма ичига Леверкузен клуби қизиқиш билдираётган Жеймс МакЭйтини ҳам қўшиш вариантини таклиф қиляпти.

Экспертларнинг таъкидалашича, бу ўйинчиларни қўлга киритиш осон кечмайди. Чунки уларнинг ҳар иккисига ҳам бошқа клублардан таклифлар етарли.