"Манчестер Сити" судда АПЛ устидан ғалаба қозонди

“Манчестер Сити” Англия Премьер-лигасига қарши судда ғалаба қозонди. Гап молиявий қоидаларни бузганликда "шаҳарликлар"га қўйилган 115 та айблов ҳақида эмас, балки клубнинг Премьер-лига қоидалари бўйича арбитраж судига алоқадор томонлар билан битимлар бўйича мурожаати билан боғлиқ иш ҳақида бормоқда.

"Манчестер Сити" ўз сайтида ишнинг барча тафсилотлари санаб ўтилган баёнотни эълон қилди. Қайд этиш жоизки, Премьер-лиганинг алоқадор томонлар билан битимлар тузиш қоидалари ноқонуний деб топилди – улар Буюк Британия қонунчилигига зид. Премьер-лига бу борада ўз позициясини суиистеъмол қилгани аниқланди.

Таъкидланишича, АПЛнинг алоқадор томонлар билан битимлар тузиш қоидалари суд томонидан камситувчи хусусиятга эга деб топилган.