“Манчестер Сити” суперфутболчи бўйича расмий таклиф юборди

“Манчестер Сити” раҳбарияти аргентиналик ярим ҳимоячи Энцо Фернандесни трансфер қилиш бўйича «Челси»га расмий таклиф юборди. Бу ҳақда журналист Фабрицио Романо ўзининг Х ижтимоий тармоғидаги саҳифасида хабар берди.

Клублар ўртасидаги музокаралар давом этмоқда, футболчининг ўзи эса жамоалар ўртасидаги қарорни кутмоқда.

Аввалроқ ОАВ Лондон клуби Фернандес трансфери учун 120 млн фунт (140 млн евро) талаб қилаётганини хабар қилган эди.

Энцо Фернандес Лондон жамоаси сафида 2023 йил январидан буён ўйнаб келмоқда. Футболчининг клуб билан амалдаги шартномаси 2032 йил ёзигача мўлжалланган. Transfermarkt портали маълумотига кўра, футболчининг бозордаги қиймати 100 млн еврони ташкил этади.