"Манчестер Сити"нинг икки футболчиси "Барселона"нинг ушбу трансфер ойнасидаги асосий мақсади

"Барселона" трансферлар ойнасининг қолган кунларидаги икки трансферни амалга оширишга қарор қилди. "Mundo Deportivo" нашри хабарига кўра, кўк-анорранглилар "Манчестер Сити"нинг икки футболчиси - ўнг қанот ҳимоячиси Жоау Кансело ва ярим ҳимоячи Бернарду Силвани қўлга киритиш учун бор кучларини сарфлайди.

Ҳозирда иккала келишув ҳам мураккаб кўринади, чунки "Манчестер Сити" бу футболчиларнинг ҳар бири учун 60-70 миллион евро талаб қилмоқда. "Барселона" молиявий инқироз шароитида бундай пулни тўлашга қурби етмайди, бироқ раҳбарият ҳали ҳам шартномалар тузиш йўлларини изламоқда.

Эслатиб ўтамиз, Каталония клуби бу йил ёзда Илкай Гюндоган ва Иниго Мартинесни эркин агент сифатида ўз сафига қўшиб олди.