Manchester superklubi katta transfer bo‘yicha ish boshladi

Sky Sport nashri jurnalistlari kelasi mavsum Yevropa Chempionlar ligasida ishtirok etadigan “Manchester Yunayted” sotib olmoqchi bo‘lgan yana bir yarim himoyachi nomini aytdi

“Manchester Yunayted” vakillari “Nyukasl” futbolchisi Sandro Tonalini transfer qilish ustida ish olib bormoqda. Mankunianlar kelasi mavsum boshiga qadar shu futbolchini ham xarid qilishi kutilyapti.

Sky Sport Italia nashriga ko‘ra, manchesterliklar 2026-2027 yildgi Chempionlar ligasida ishtirok etishi munosabati bilan tarkibni kuchaytirishni maqsad qilgan.

Joriy mavsumda Tonali barcha musobaqalarda 53 ta o‘yinda qatnashib, uchta gol va yettita golli uzatmani amalga oshirdi. Transfermarkt ma’lumotiga ko‘ra, futbolchining bozor qiymati 80 million evroni tashkil etadi.