"Манчестер Юнайтед" "Арсенал"дан футболчи харид қилганини эълон қилди

"Манчестер Юнайтед" расмий сайти орқали "Арсенал" ҳимоячисини трансфер қилганини эълон қилди. "Қизил иблислар" таркибига 18 ёшли Эйден Хевен қўшилди. У 2029 йилнинг ўртасигача мўлжалланган шартнома имзолади, шунингдек, яна бир мавсумга узайтириш имконияти ҳам бор.

Футболчи "Арсенал" ёшлар жамоасида ўйнаган ва асосий жамоада фақат битта ўйинда – октябрь ойида Лига Кубогида майдонга тушган. "Манчестер Юнайтед" клуби ўз баёнотида Хевен биринчи жамоага дарҳол қўшилишини алоҳида таъкидлаган.

 "Мен "Манчестер Юнайтед" сафига қўшилганимдан ниҳоятда фахрланаман. Бу орзумни рўёбга чиқаришга ёрдам берганларнинг барчасига миннатдорчилик билдираман", – деди Хевен.

"Манчестер Юнайтед" ҳозирда Англия Премьер-лигаси турнир жадвалида 12-ўринни эгаллаб турибди.