"Manchester Yunayted" "Arsenal"dan futbolchi xarid qilganini e’lon qildi

"Manchester Yunayted" rasmiy sayti orqali "Arsenal" himoyachisini transfer qilganini e’lon qildi. "Qizil iblislar" tarkibiga 18 yoshli Eyden Xeven qo‘shildi. U 2029 yilning o‘rtasigacha mo‘ljallangan shartnoma imzoladi, shuningdek, yana bir mavsumga uzaytirish imkoniyati ham bor.

Futbolchi "Arsenal" yoshlar jamoasida o‘ynagan va asosiy jamoada faqat bitta o‘yinda – oktyabr oyida Liga Kubogida maydonga tushgan. "Manchester Yunayted" klubi o‘z bayonotida Xeven birinchi jamoaga darhol qo‘shilishini alohida ta’kidlagan.

 "Men "Manchester Yunayted" safiga qo‘shilganimdan nihoyatda faxrlanaman. Bu orzumni ro‘yobga chiqarishga yordam berganlarning barchasiga minnatdorchilik bildiraman", – dedi Xeven.

"Manchester Yunayted" hozirda Angliya Premer-ligasi turnir jadvalida 12-o‘rinni egallab turibdi.