“Манчестер Юнайтед” "Барса"ни шокка туширмоқчи

“Манчестер Юнайтед” раҳбарияти “Барселона”нинг келажаги сифатида қаралаётган Ансу Фатини бадал пулининг қанча бўлишидан қатъи назар ўз сафига қўшиб олишга қарор қилди.

Сульшернинг орзусидаги ҳужумкор футболчи – Жейдон Санчо трансферини амалга ошира олмаган манчестерликлар Фатининг шартномасида белгиланган бадал пулини тўлаб, уни Англияга олиб келмоқчи. 17 ёшли футболчи ҳали Каталония клуби билан янги шартнома тузгани йўқ. Шунинг учун “Манчестер Юнайтед” 153 миллион фунт эвазига футболчига эга чиқиши мумкин. Бундай вазиятда фақатгина футболчининг ўзини рози қилиш керак бўлади.

Куман келганидан кейин “Барселона”даги етакчи ролларга нидерландиялик футболчилар мўлжалланаётгани боис Фати ҳам инглизларнинг таклифини қабул қилиши мумкинлиги айтилмоқда.