"Манчестер Юнайтед" бош мураббийлигига асосий номзод ким эъкани маълум. У Испания терма жамоасини бошқарган

"Манчестер Юнайтед" раҳбарлари жамоага янги бош мураббий қидиришни давом эттирмоқда.

The Guardian хабарига кўра, “қизил иблислар” бу борада “Севилья” устози Хулен Лопетеги номзодини илгари сурмоқда. Улар айнан 55 ёшли испаниялик мутахассисни "Юнайтед"нинг янги бош мураббийи сифатида кўришмоқда.

Лопетегининг ўзи ҳали "Севилья"ни тарк этиш ниятида эмас. ОАВда эса МЮ “Аякс” бош мураббийи Эрик тен Хаг ва ПСЖ бош мураббийи Маурисио Почеттино номзодини ҳам кўриб чиқаётгани ҳақида ёзмоқда.

Эслатиб ўтамиз, айни дамда “Манчестер Юнайтед”ни германиялик мутахассис Ральф Рангник бошқармоқда.