"Манчестер Юнайтед" футболчиси А Серияга кўчиб ўтиши мумкин

"Манчестер Юнайтед" форварди Жошуа Зиркзе фаолиятини Италия А Сериясида давом эттириши мумкин.

"Sky Sports Italia" нашри берган хабарларга кўра, нидерландиялик ҳужумчи хизматларига Туриннинг "Ювентус" клуби қизиқиш билдирмоқда. Бир неча кун аввал футболчига Римнинг "Рома" клуби жиддий қизиқиш билдираётгани ҳақида ҳам хабарлар пайдо бўлган эди. Туринликлар футболчи учун биринчи таклифни ҳам юборган. "Зебралар" "Кристал Пэлас" форварди Жан-Филипп Матетанинг трансфери ўхшамагач, мақбул вариант сифатида Зиркзени танлаган. 24 ёшли футболчининг "Трансфермаркт" порталидаги нархи 25 миллион еврони ташкил этади. 

Маълумот учун, Зиркзе 2024 йилда 42,5 миллион евро эвазига "Болония"дан "Манчестер Юнайтед" сафига келиб қўшилган эди.