“Manchester Yunayted” nega Amorimni tanlaganiga to‘rtta sabab keltirdi

“Manchester Yunayted” rahbariyati niderlandiyalik Erik ten Xagni iste’foga chiqarganidan keyin bir necha kun ichida Ruben Amorimni bosh murabbiylikka tayinladi.

Klub nega aynan portugaliyalik mutaxassisni tanlaganiga beshta sabab keltirilmoqda.

Birinchidan, Ruben Amorim Evropa futbolida yosh va eng salohiyatli murabbiy sifatida nom qozongan.  

Ikkinchidan, 39 yoshli mutaxassis sovrinlar yuta olishini isbotlab qo‘ygan. Uchinchi sabab sifatida “Manchester Yunayted” mutasaddilari bu murabbiy klubning yangi sport tuzilmasiga har tomondan mos tushadi, degan fikrga kelgan.

Va nihoyat, to‘rtinchidan, portalugiyalik mutaxassis jamoaning avvalgi murabbiylaridan farqli ravishda jamoaga yangi o‘yin uslublarini singdira olishiga ishonch bildirilmoqda.

2016 yilda futbolchilik faoliyatini yakunlagan Ruben Amorim murabbiy sifatida o‘z yurtida faoliyat olib borgan. Dastlab, “Kaza Piya” va “Braga” jamoalarini boshqargan. 2020 yili “Sporting”da ish boshlagan.

Amorim  2020 yili “Braga”ni Portugaliya ligasi kubogida g‘olib chiqishiga sababchi bo‘lgan. Keyin “Sporting”ni ikki marta mamlakat chempioniga aylantirdi. Yana ikki marta jamoasiga Portugaliya ligasi kubogini va bir marta Portugaliya Superkubogini olib berdi.