«Манчестер Юнайтед» «Реал» юлдузини нишонга олди
«Манчестер Юнайтед» ёзда «Реал» ярим ҳимоячиси Орельен Тчуамени учун тахминан 70 миллион евро таклиф қилишни кўриб чиқмоқда.
«Манчестер Юнайтед» таркибни кучайтириш режаларини ишлаб чиқмоқда. Daily Mail хабар беришича, «қизил иблислар» вакиллари келаси ёзда клубнинг трансфер мақсадларидан бири Орельен Тчуамени бўлиши мумкинлиги ҳақидаги маълумотни инкор этмаяпти.
«Реал» ёзда янги ярим ҳимоячи билан шартнома имзолашни режалаштирмоқда. Бундай трансфер амалга ошса, Орельен Тчуамени ёки Эдуардо Камавинга жамоани тарк этиши мумкин.
26 ёшли Тчуаменининг трансфер қиймати Transfermarkt портали томонидан 70 миллион евро деб баҳоланмоқда. Ярим ҳимоячининг «Реал» билан амалдаги шартномаси 2028 йилнинг ўрталарига қадар мўлжалланган.
Тчуамени мадридликлар сафида 205 та учрашувда майдонга тушиб, еттита гол урган ва тўққизта голли узатмани амалга оширган.
Изоҳлар (0)