"Manchester Yunayted" shaxsiy antirekordini takrorladi

"Manchester Yunayted" bu safar ham darvozani daxlsiz saqlab qola olmadi. Yakshanba kuni Ruben Amorim jamoasi safarda "Aston Villa"ga mag‘lub bo‘ldi (1:2). Premer-liganing 17-turi ortda qoldi, "qizil iblislar" esa bor-yo‘g‘i bir marta quruq o‘yin o‘tkazdi, bu esa klubning yuqori diviziondagi butun faoliyati tarixidagi antirekordini takrorladi, deya xabar beradi "Sky Sports". Ilgari bunday ko‘rsatkich uch marta qayd etilgan bo‘lib, so‘nggi marta bunday holat kuzatilganiga 63 yil bo‘lgan.

Mankunianliklar APL-2025/26 turnir jadvalida 26 ochko va gollar nisbati 31:28 bilan ettinchi o‘rinda bormoqda.