"Манчестер Юнайтед" супертрансферга тайёрланмоқда

"Манчестер Юнайтед" раҳбарияти ёзги трансфер ойнасида жамоанинг ҳужум чизиғини кучайтирмоқчи. Бу ҳақда "Todofichajes" нашри хабар берди.

Манбанинг маълум қилишича, "қизил иблислар" эътиборини Ла Лиганинг икки футболчисига қаратган. МЮ "Барселона" клуби қанот ҳужумчиси Рафинья ҳамда "Атлетик" ҳужумкор ярим ҳимоячиси Нико Уильямсни асосий номзодлар сифатида кўрмоқда.

Бразилиялик ҳужумчининг нархи 80 миллион еврони ташкил қилса, Нико эса 70 миллион еврога баҳоланмоқда.

Эслатиб ўтамиз, "Манчестер Юнайтед" Англия премьер-лигасининг жорий мавсумида муваффақиятсиз ўйин кўрсатмоқда. 29 турдан сўнг Рубен Аморим шогирдлари турнир жадвалида 13-ўринни эгаллаб турибди.