“Манчестер Юнайтед”га Фергюсон тавсия қилган мураббий ёқмади

“Манчестер Юнайтед” тарихидаги энг муваффақиятли мураббий сэр Алекс Фергюсон клуби раҳбари Жим Рэтклиффга аргентиналик мутахассис Маурисио Почеттинони бош мураббий қилиб тайинлашни маслаҳат берганди.

The Times нашрининг ёзишича, манчестерликлар бу мутахассисни асосий номзодлар қаторига киритмаган.

Гарчи клуб мутасаддилари Маурисио Почеттино билан музокара ўтказган бўлса-да, аргентиналик мураббийга ишонч билдирмайдиган бўлди.

Маурисио Почеттино Англия Премьер-лигасида “Тоттенхэм” ва “Челси” жамоаларини бошқарган. Бироқ чемпионатда юқори натижаларни  қайд эта олмаган.