“Манчестер Юнайтед”нинг катта трансфери барбод бўлди

“Манчестер Юнайтед” келаси мавсум олдидан кўп гол ура оладиган ҳужумчи қидиряпти.

Эрик тен Хаг янги ўйинчи танлашда асосий эътиборини ҳамюртлари – нидерландиялик футболчиларга қаратмоқда. Манчестерликлар “Болонья” ҳужумчиси Жошуа Зиркзеени трансфер қилиш учун кураш олиб борди.

Ўтган мавсум А Серия кашфиётларидан бўлган Зиркзее бир нечта гранд клуб эътиборига тушган эди. “Болонья” мутасаддилари бу ҳужумчи учун 70 миллион евро талаб қилмоқда.

Бу сумма “Манчестер Юнайтед”ни қониқтирмади ва клуб форвард учун курашни тўхтатди.

23 ёшли футболчи якунланган мавсумда Италия чемпионатида 11 та гол ва 4 та ассист муаллифи бўлди.