"Манчестер Юнайтед"нинг режалари барбод бўлди

"Манчестер Юнайтед"ни қизиқтириб қўйган "Монако" ҳимоячиси Бенуа Бадьяшиль жамоада қоладиган бўлди.

Get French Football News тарқатган хабарга кўра, “қизил иблислар” 19 ёшли футболчи учун монаколикларга 30 млн евро таклиф қилган, аммо “Монако” бош мураббийи Нико Ковач раҳбариятдан уни сотиб юбормасликни сўраган.

Бадьяшиль “Монако” сафида 47 та ўйинда майдонга тушиб, ўз ҳисобига 2 та гол ҳамда 1 та голли узатма ёздириб қўйишга эришди. Унинг клуб билан амалдаги шартномаси эса 2024 йилга қадар имзоланган.