Манчестерликлар жаҳон чемпионини бепул йўқотиш хавфи бор

Аргентина терма жамоаси ҳимоячиси Лисандро Мартинес мавсум якунлангач, шартнома муддати тугаши билан «Манчестер Юнайтед»ни эркин агент сифатида тарк этиши мумкин. 

Daily Mail маълумотларига кўра, футболчининг жамоадан кетиш эҳтимоли ортиб бормоқда. Яқинда Мартинес ўйиндан сўнг берган интервьюсида клуб раҳбариятини очиқ танқид қилгани учун жаримага тортилган эди.

Аргентиналик футболчининг амалдаги шартномаси мавсум охирида ниҳоясига етади. Шу билан бирга, «Манчестер Юнайтед»да келишувни яна бир йилга узайтириш ҳуқуқи мавжуд. Агар клуб ушбу банддан фойдаланса, Мартинесни текинга қўйиб юбормасдан, унинг трансфери учун компенсация олиш имкониятига эга бўлади. Ҳозирча манкунияликлар бу имкониятдан фойдаланиш-олмаслиги номаълум.

Матбуотдаги хабарларга кўра, Мартинес кетган тақдирда унинг ўрнини босиши мумкин бўлган асосий номзод сифатида «Эвертон» марказий ҳимоячиси Жаррад Брантуэйт кўрилмоқда. Шунингдек, «Манчестер Юнайтед» ҳимоя чизиғининг чап қанотини кучайтириш вариантларини ҳам ўрганмоқда: клуб диққат марказида «Ньюкасл» футболчиси Льюис Холл ва «Борнмут» ҳимоячиси Адриен Трюффер турибди.