Манчестерликлар суперюлдуз билан келиша олмаяпти

«Манчестер Юнайтед» ярим ҳимоячиси Бруну Фернандеш ёзги трансфер ойнасида клубдан кетиши эҳтимоли бор. Бу ҳақда инсайдер Жанлуиджи Лонгали хабар бермоқда.

Манбанинг маълум қилишича, клуб раҳбарияти ҳалигача португалиялик футболчи билан янги шартнома борасида келишувга эриша олмаган. Томонлар ўртасида ўтказилган сўнгги музокаралар ҳам кутилган натижани бермаган.

Айтилишича, бир нечта бошқа жамоалар аллақачон Фернандешнинг вакили билан боғланган. Шу билан бирга, «Манчестер Юнайтед» яқин кунларда ярим ҳимоячи билан янги раунд музокараларини ўтказишни режалаштирмоқда.