Марко Матерацци: "Зидан билан ҳаётда дўстмиз"

Италия миллий терма жамоасининг собиқ футболчиси Марко Матерацци Зинедин Зидан билан ўша машҳур тўқнашувга нима сабаб бўлганини тушунтириб берди.

- 2006 йилдан кейин Францияда биринчи рақамли душман футболчига айланиб қолганмисиз?

- Италияда бундан ҳам кўпроқ. Нима учун Италияда одамлар мени Франциядан-да кўпроқ ёмон кўришларини билмайман. Мен Париж ва Диснейлендда бир неча бор бўлганман. Лекин ҳали Марселга борганим йўқ. Аслида ҳеч қандай муаммога дуч келганим ҳам йўқ. Ўйлайманки, одамлар майдонда содир бўлаётган нарса фақатггина ўша ерда қолишини тушунишди. Қолаверса, Жаҳон чемпиони номи пенальтилар орқали аниқланди ва бу менинг айбим эмас эди.

Зидан билан ҳаётда жуда кўп учрашмасакда аслида яқин дўстлармиз. У ҳам, мен ҳам финалдаги ҳолат жуда хунук бўлганини ва иккаламиз ҳам ўша вазиятда эмоцияларга берилганимизни тан оламиз. 

Жаҳон чемпионати финалида Франция биздан ҳам техник, ҳам жисмоний жиҳатдан кучлироқ эди. Камчиликларингизни тан олиш керак.  Агар 19-дақиқада киритилган менинг голим бўлмаганида, биз финалда мағлуб бўлган бўлардик, деб ўйлайман", - деди Италия миллий терма жамоасининг собиқ футболчиси.