Марсело: "Моуриньо ўйин услубимни ўзгартирди ва менинг фикрлашимни кучайтирди"

"Реал"нинг собиқ ҳимоячиси Марсело Жозе Моуриньо билан ишлаган даври ҳақида хотираларини баён қилди.

"Эсимда, "Рекреативо"га қарши ўйин бор эди. Мен жуда яхши ўйнадим ва у мени шундай мақтади: "Марсело, сен энг яхшисисан, ажойибсан, топ". Ўйиндан сўнг уйга жуда хурсанд бўлиб қайтдим. Кейинги ўйин эса ёмон бўлди ва у менга шундай деди: "Сен ёмонсан, бугун нима қилдинг?”

Мени шундай рағбатлантириши ёқарди, кўп нарса ўргандим. У менинг фикрлашимни ўзгартирди ва менинг ўйин услубимни кўпроқ агрессив қилди.

У менга шундай деди: "Сен нега 2010 йилги жаҳон чемпионатига бормадинг, биласанми?" Мен жавоб бердим: "Чунки мураббий хоҳламаган". У эса шундай деди: "Йўқ, сен яхши ҳимоялана олмайсан, энг ёмонларидан бирисан", — деди бразилиялик футболчи Икер Касильяс билан подкастда.