Mashhur klub 22 nafar futbolchini haydadi

Turkiya Superligasining mashhur klublaridan “Beshiktosh” o‘tgan mavsum musobaqa jadvalini oltinchi o‘rinda yakunlaganidan keyin tarkibni tozalab tashladi.

- Klub rahbariyati jamoa muvaffaqiyatlarini ta’minlay olmagan 22 nafar futbolchi bilan xayrlashdi. Xususan, 7 nafar o‘yinchining shartnomasi bekor qilindi, 11 kishi ijaraga jo‘natildi, qolganlarining yakunlangan bitimi yangilanmadi, - deb yozdi Hürriyet gazetasi.

So‘nggi ma’lumotlarga qaraganda, tozalash ishlari davom etadi.

Turkiyaning  NTV Sport kanali tarkibni tozalash davom etirilishini ma’lum qildi.

- Klub Deniel Amarti, o‘tgan yozda kelgan Baxtiyor Zaynutdinov va Vensan Abubakar bilan xayrlashish yo‘llarini qidirmoqda, - deb ma’lumot berdi NTV Sport.