Махачевнинг ярим ўрта вазндаги имкониятлари қандай? Эдвардснинг мураббийи жавоб берди

Ярим ўрта вазн тоифасида UFC чемпиони Леон Эдвардснинг мураббийи Дейв Ловелл енгил вазн тоифаси чемпиони Ислом Махачев ҳақида гапирди.

 "Леон ўз фаолиятининг бошида "Америка Топ-Теам" жамоасида Ислом билан бирга шуғулланган. Эдвардс ҳамда Ислом Хабиб ва ​​бошқа йигитлар билан курашиб кўрган. Шундай экан, кўплаб саволлар туғилиши табиий. Махачев ярим ўрта вазн учун етарлича кучлими? У енгил вазнда бўлгани каби жангларда доминант бўла оладими? Мен бундай деб ўйламайман. Ислом Леон каби аниқ зарбага эга рақиблар билан жанг қилганми?  Йўқ, унинг бундай рақиблари бўлмаган”, — дея Дейв Ловеллнинг сўзларини келтирган Bloody Elbows.