Maxrez yoki Kante? Siz kimga ovoz berasiz?

Joriy hafta UEFA Chempionlar ligasida yarim final javob bellashuvlari bo‘lib o‘tdi. Tashkilot rasmiy saytida hafta futbolchisi bo‘lishga nomzodlarni e’lon qildi.

Unga ko‘ra, ushbu nom uchun "Manchester Siti"ning ikki futbolchisi - Riyod Maxrez va Ruben Diash hamda "Chelsi"ning ikki futbolchisi Ngolo Kante va Kay Xaverts kurash olib bormoqda.

Maxrez PSJga (2:0) qarshi o‘yinda dubl qayd etgan bo‘lsa, Diash huddi shu o‘yinda 2 ta golga assistentlik qildi va 92 foiz aniq uzatmalarga amalga oshirdi, Kante "Real"ga (2:0) qarshi bahsda 88 foiz aniq uzatmalarni amalga oshirdi va 2 ta golli vaziyat yaratdi, Xaverts esa “qirollik klubi” darvozasi tomon 1 ta aniq zarba yo‘lladi.

Ovoz berish jarayoni UEFA rasmiy saytida davom etmoqda.