Мбаппе: “Аргентина Жаҳон чемпионатида ғалаба қозонишга тўлиқ лойиқ эди”

"Реал Мадрид” ҳужумчиси Килиан Мбаппе 2022 йилги Жаҳон чемпионатининг финалида Аргентина терма жамоаси ғалабага тўлиқ ҳақли бўлганини тан олди.

“Финалда учта гол уриб, лекин ғалаба қозонмаслик қандай ҳолат? Ўша пайтда гол ҳақида эмас, фақат ғалаба ҳақида ўйлайсиз. Биз ҳужумчимиз, шунинг учун гол уриш имкониятларимиз кўпроқ бўлади.

Бу ақлдан оздирадиган ўйин эди. Аргентина бутун ўйин давомида биздан яхшироқ ўйнади ва ғалабани ҳақли қўлга киритди. Бизнинг ҳам устунлик қилган пайтларимиз бўлди, лекин якуний натижа адолатли.

Бу аламли, лекин бунни унутмаслик керак. Олдинда 2026-йилги Жаҳон чемпионати турибди ва биз яна хафа бўлишни хоҳламаймиз”, — деди Мбаппе Хорхе Валдано билан интервьюсида.