Мбаппе "Барселона"га қарши асосийда бўлмагани ҳақида: "Ҳар бир ўйинда майдонга тушишни хоҳлайман"

"Реал" ҳужумчиси Килиан Мбаппе тиззаси жароҳати қайталаниш хавфи бўлишига қарамасдан, Испания Суперкубоги финалида "Барселона"га қарши ўйнаш қарорига нима сабаб бўлганини тушунтирди. Ушбу ўйинда "Реал" 2:3 ҳисобида мағлуб бўлган эди.

— Францияда сиз Хабини сақлаб қолиш учун ўзингизни мажбурлаб ўйнаганингиз ҳақида ёзишди.

— Француз журналистлари ёзган ҳар бир гапга изоҳ беришим керакми? Мен "Барселона"га қарши ўйинга бордим, чунки ҳар доим ҳар бир баҳсда ўйнашни хоҳлайман. Яхши ўйнаяпманми ёки йўқ — билмайман, лекин мен шундайман. Агар майдонга тушиш имконияти бўлса, ундан фойдаланаман.

Биз Суперкубокка қайтишимни режалаштирган эдик. "Атлетико"га қарши ўйнай олмадим, бу мени жуда хурсанд қилмади. Финалга тўлиқ тайёр эмас эдим, аммо мураббий жамоани қўллаб-қувватлаш учун келишимни сўради. Иложи борича кўпроқ ўйнашга ҳаракат қилдим. Аммо натижа яхши бўлмади, чунки биз ғалаба қозона олмадик. Энди яна қайтдим ва бажаришим керак бўлган ишни қиляпман, — деди Мбаппе "Монако"га қарши Чемпионлар лигаси учрашуви олдидан ўтказилган матбуот анжуманида.

Аввалроқ француз футболчиси захирадан майдонга тушиб, Хаби Алонсони "Реал"дан истеъфога чиқарилишдан сақлаб қолишга урингани ҳақида хабарлар тарқалганди. Бироқ каталонияликлардан учралган мағлубиятдан кейин испаниялик мураббий эртаси куни лавозимини тарк этди. Шу билан бирга, Алонсо ва Мбаппе ўртасидаги муносабатлар бошиданоқ яхши бўлгани таъкидланади.