Мбаппе бу ерда 25 йил қолади!
Килиан Мбаппенинг ПСЖдан кетиши клуб хўжайини Нассер Ал-Хелаифий учун кутилмаган воқеа бўлгани айтилмоқда.
Франциялик футболчи 2018 йили “Монако”дан ПСЖга трансфер қилинганида мутасаддилар клуб хўжайини Нассер Ал-Хелаифийни Мбаппе вақти келиб, “Реал”га ўтишни истаб қолиши ҳақида огоҳлантирган экан.
L’Équipe нашрининг ёзишича, ПСЖ президенти бу огоҳлантиришларга эътибор қаратмаган ва уларга “Мбаппе ПСЖГа келиши билан бу ерда 25 йил қолишни истаб қолади”, деб жавоб берган.
Килиан Мбаппе мавсум бошида ўйин амалиётисиз қолиб кетмаслик учун клуб хўжайини шартномани узайтиришни ваъда қилган бўлса-да, 10 май куни битим якунланиши билан ПЖСни тарк этишини овоза қилди.
Ал-Хелаифий ишонганидай Мбаппе парижликлар сафида 25 йил қолишни истамади. 25 ёшли форвард олти мавсум ўйнаб, бу муддат давомида 307 та учрашувда қатнашиб, ўз ҳисобига 256 та гол ва 108 та ассист муаллифи бўлди.
Фикрлар