Мбаппе: «Бу йил “Олтин тўп”ни ютмасам, хафа бўламан»

Мадриднинг «Реал» жамоаси ҳужумчиси Килиан Мбаппе жорий йилда «Олтин тўп»ни қўлга киритиш имкониятлари ҳақида фикр билдирди.
 

Футболчи RFI нашрига берган интервьюсида шу мавсумни шахсан ўзи учун жуда муваффақиятли ўтганини айтди. Унинг таъкидлашича, индивидуал натижалар «Олтин тўп» соҳиби аниқланишида энг асосий мезон ҳисобланади. Мбаппе бу мукофот бўйича ўзини яхши ҳис қилаётганини, унда ижобий ички туйғу борлигини қайд этди.

«Агар бу йил “Олтин тўп”ни қўлга киритмасам, жуда хафа бўламан. Мен рақобатни яхши кўрадиган инсонман, юта олмасам, албатта, ранжиман. Бу ҳолат менинг спортчи сифатидаги ғуруримга қаттиқ таъсир қилади, деб ўйлайман», — деди Мбаппе.

Эслатиб ўтамиз, Килиан Мбаппе бу йилги «Олтин тўп» учун курашадиган 30 нафар номзод рўйхатига киритилган. Француз ҳужумчиси мукофот учун асосий даъвогарлар қаторида тилга олинмоқда.