Мбаппе менга ўхшайди!

Бразилиялик футбол афсонаси Роналдо Франция терма жамоаси ҳужумчиси Килиан Мбаппенинг ўйинини ўзиникига ўхшатди.

- Мбаппе Қатардаги жаҳон чемпионатида энг зўри. Унинг ўйинини кузатиб бориш завқ бермоқда, Мбаппенинг ўзи ҳайратга соляпти.

Франция терма жамоаси асосий фаворит ва буни ўйиндан ўйинга кўрсатиб келяпти. Мбаппе тез ўйнаяпти ва буни бошқалардан яхши уддалаяпти.Гап фақат унинг кучи ёки тезкорлигида эмас. Ҳужумни якунлаётганда тўпни қаерга йўналтираётганига эътибор қаратинг.

Килиан ўйинидаги айрим жиҳатлар менинг услубимга ўхшайди. У ўз салоҳиятидан қандай фойдаланишни билади, - деди Роналдо.

Мбаппе жаҳон чемпионатида бешта гол билан тўпурарлар пойгасида етакчилик қилмоқда.