Мбаппе нега “Ливерпуль”га ўтишдан бош тортганини айтди

Мадриднинг «Реал» клуби ҳужумчиси Килиан Мбаппе 2017 йилда “Монако”дан “Ливерпуль”га ўтишга жуда яқин бўлганини айтди. Бироқ француз футболчиси якунда “Пари Сен-Жермен”ни танлаган.

- Мен “Ливерпуль”га ўтишга яқин эдим. Онам Юрген Клоппнинг катта мухлиси эди ва мен учун унинг энг маъқул варианти “Ливерпуль” бўлган. У менинг ўша клубга ўтишимни хоҳлаган.

У музокараларнинг биринчи босқичи учун у ерга борди, шаҳар ва стадионда бўлди, клуб ходимлари билан танишди. Онам: “Бу ажойиб клуб, ҳамма жуда меҳрибон, бу оилавий муҳитга эга катта клуб”, дерди.

Самолётда ўтирганимиз ва Клопп ўз лойиҳаси ҳақида гапирар экан, у ерга бир неча бор бориб-қайтганимиз эсимда.

Мен: “Мени ишонтиришингиз шарт эмас. Сиз –  Юрген Клоппсиз, бу эса “Ливерпуль”, буюк клуб. Албатта, бу ерда эканман, демак, қизиқиш билдиряпман. Аммо менда бошқа вариантлар, бошқа лойиҳалар ҳам бор ва улар ҳам яхши”, дедим.

Бу кулгили ҳикоя. Аммо якунда мен ПСЖга ўтишга қарор қилдим. Чунки Парижда туғилиб, шу ерда улғайган инсон сифатида ўз туғилган шаҳримда юлдузга айлана олишимни исботлашдан яхшироқ нарса йўқ эди, - дея Мбаппенинг сўзларини The Athletic келтиради.

Натижада 18 ёшли Мбаппе Францияда қолиш ва фаолиятини ПСЖда давом эттиришга қарор қилди. Парижликлар аввал ҳужумчини 2017/2018 йилги мавсум учун “Монако”дан ижарага олди, кейин эса унинг трансферини 180 миллион еврога сотиб олди. Француз футболчиси ПСЖ сафида 2024 йилгача ўйлади ва шундан сўнг Мадриднинг “Реал” клубига ўтди.