Мбаппе “Реал” сафида ажойиб статистика қайд этмоқда!

Испания Ла Лигасининг 9-тури доирасида “Реал Мадрид” меҳмонда “Хетафе”ни кичик 1:0 ҳисобида мағлуб этди. Учрашувдаги ягона гол Килиан Мбаппе томонидан киритилди ва у беллашувнинг энг яхши ўйинчиси совринига эга чиқди.

Шу тариқа, франциялик футболчи жорий мавсумда ушбу мукофотга 7 маротаба сазовор бўлди. Мбаппе бу натижани “мадридликлар” сафида Ла Лиганинг 11 та баҳсида майдонга тушган ҳолда қайд этди. Шунингдек, форвард клуб ва терма жамоа таркибида 11 та ўйиндан бери гол урмоқда.

Маълумот учун, “қаймоқранглилар” навбатдаги учрашувни Чемпионлар лигаси доирасида “Ювентус”га қарши ўтказади.