Мбаппе тарихий рекордни урмоқчи

Испания чемеионатининг 20-туридан ўрин олган учрашувда “Реал” футболчилари ўз мухлисоари кўз ўнгида “Леванте” жамоасини 2:0 ҳисобида мағлубиятга учратди.

Мезбонларнинг голларига Килиан Мбаппе ва Рауль Асенсио муаллифлик қилди.

Килиан Мбаппенинг 58-дақиқада пенальтидан киритган тўпи тарихий аҳамият касб этди. Бу 27 ёшли ҳужумчи 27 ёшли ҳужумчи учун профессионал фаолиятидаги 412-гол бўлди.

Шу тариқа, Мбаппе франциялик футболчилар орасида энг кўп гол урган иккинчи ўйинчига айланди. У 411 та гол билан фаолиятини якунлаган машҳур ҳужумчи Тьерри Анрини ортда қолдирди.

Рейтингда ҳали ҳам биринчи ўринни Карим Бензема эгаллаб турибди. Франция терма жамоасининг собиқ капитани, ҳозирда “Ал-Иттиҳод” сафида тўп сураётган футболчи клублар ва миллий жамоа сафида жами 513 марта гол урган.

Мбаппенинг ёши ва самарадорлик темпини инобатга олсак, у яқин йиллар ичида Франция футболчилари орасида энг зўр тўпурарга айланиши эҳтимоли жуда юқори.