Мбаппе трансфери қачон эълон қилинади?

Килиан Мбаппе 7 йиллик фаолиятидан кейин ПСЖни тарк этади. Бироз олдин футболчи клуб мухлислари билан хайрлашди. Унинг кейинги манзили деярли аниқ. 

Фабрицио Романо хабар беришича, "Реал" ва франциялик ҳужумчи келишувга эришиб бўлди. Трансфер Чемпионлар лигаси финалидан кейин расман эълон қилинади. Футболчи Мадриддан уй топиб бўлди. 

Мбаппенинг "қаймоқранглилар"даги маоши 2022 йилда таклиф қилинганидан камроқ бўлади. Шартнома эса 2029 йилгача амал қилади. Шунингдек, унга 125 миллион евролик бонус берилади. 

Эслатиб ўтамиз, ЕЧЛ финали 2 июнга ўтар кечаси бўлиб ўтади. "Реал" 15-марта ушбу совринни қўлга киритиш учун "Боруссия"га қарши майдонга тушади.