Мексика терма жамоаси етакчиси "Наполи"га ўтадиган бўлди

Эйндховеннинг ПСВ клуби ҳужумчиси Ирвин Лосано янги мавсумни Италия А Сериясида бошлайди.

Football-Italia нашри тарқатган хабарга қараганда 24 ёшли мексикалик футболчи “Наполи” билан келишувга эришган. Унинг трансфери эса неаполликларга 40 млн еврога тушиши айтилмоқда.

Маълумот учун, Лосано ўтган мавсум Голландия чемпионатида жами 30та ўйинда майдонга тушди ва 17та гол ҳамда 12та голли узатма ёздириб қўйишга эришди.