Мексикадан яна бир супер юлдуз етишиб чиқмоқда

Таниқли боксчи Сауль Альварес ўз юртидан яна бир супер юлдуз улғайиб чиқаётганини айтди.

"Бизда жуда кўп яши ва ёш жангчилар бор, аммо Марко Верде исмли йигитча эътиборимни тортмоқда. У Мексикадаги энг яхши боксчилардан бири бўлишига шубҳам йўқ. Чунки мен у билан бирга ишладим, унда чемпионларга хос интизоми борлигини кўрдим. У жуда катта потенциалга  эга" - деди Альварес "Fight Hype" нашрига берган интервьюсида.

Маълумот учун, яқинда 23 ёшга тўлган Верде 71 кг да 2024 йилги Олимпия ўйинларида кумуш медални қўлга киритган. Ҳамюртимиз Асадхўжа Мўйдинхўжаев эса худди шу вазндаги олтин медалга эга чиққан.