Мен чемпион жамоага эмас, “Рома”га ўтаман!

“Рома” анчадан бери “Сассуоло” етакчиси Давиде Фраттезини ўз сафига қўшиб олишга ҳаракат қилмоқда. Клуб спорт директори Тьягу Пинто бу трансферни январь ойида якунлаб қўймоқчи.

Италиялик ярим ҳимоячининг ўзи ҳам тезроқ жамоасини ўзгартирмоқчи.

Фраттезига римликлардан ташқари “Интер” ҳам қизиқиш билдирмоқда.

Маълумотларга қараганда, Давиде миланликлар таклифини қабул қилмаган. Чунки “Интер” футболчини ўзининг етакчи ўйинчиларидан бири Николо Бареллага ўринбосар сифатида олиб келмоқчи эди.

Фраттезининг ўзи Жозе Моуриньо қўл остида тўп тепишни истамоқда. Чунки аслида бу футболчи “Рома” тарбияланувчиси ҳисобланади.