Мени ўз жамоангизга олиб кетинг!

“Манчестер Сити”нинг энг машҳур футболчиларидан Кевин де Брюйне жорий мавсум якунланиши билан ҳозирги жамоасини тарк этиши ҳал бўлган масала ҳисобланади.

Бельгиялик футболчи қайси жамоага ўтиши ҳозирча маълум эмас. 33 ёшли плеймейкер янги таклифларни қабул қилишга тайёр эканини билдирди.

- Ҳозирча, нима бўлишини билмайман. Агар бирор жамоа вакиллари келиб, мени уларда яхши спорт лойиҳаси борлигига ишонтира олса, у қандай клуб бўлишидан қатъи назар, таклифни кўриб чиқишга тайёрман. Мен ҳамон футбол ўйнашни яхши кўраман, - деди Кевин де Брюйне.

Хосеп Гвардиола жамоасининг асосий плеймейкери 2015 йилдан бери “Манчестер Сити” шарафини ҳимоя қилиб келмоқда. Кевин жорий мавсум 33 та учрашувда майдонга тушиб, ўз ҳисобига бешта гол ва саккизта ассист ёздириб қўйди.