Месси ЖЧ-2026 да иштирок этадими?

“Интер Майами” клуби ҳужумчиси Лионель Месси ЖЧ-2026да иштирок этиши мумкинлиги ҳақидаги саволга жавоб берди.

“2026 йилги жаҳон чемпионати? Билмадим. Менга бу саволни кўп марта беришган, айниқса Аргентинада, лекин бу йилни муваффақиятли якунлайман деган умиддаман. Ўйлайманки, янги йилда ҳам мавсумолди тайёргарликни яхши ўтказаман, ўтган сафар буни уддалай олмагандим. Кейинчалик нима бўлишини кўрамиз", - деди аргентиналик футболчи ESPN нашрига берган интервьюсида.

Месси 2023 йилдан бери “Интер Майами” клубида тўп суради. Унинг клуб билан амалдаги шартномаси 2025 йилгача мўлжалланган. Лионель бунгача ПСЖ ва “Барселона” клубларида тўп сурган. 

Месси 2022 йилда Қатарда бўлиб ўтган жаҳон чемпионатида Аргентина терма жамоаси билан ғолибликни қўлга киритган.