Месси коронавирус сабаб қанча пулдан қуруқ қолади?

"Барселона" форварди Лионель Месси COVID-19 сабаб маошларнинг камайиши оқибатида катта маблағ йўқотадиган бўлди.

Total Sportek нашрининг ёзишича, 32 ёшли аргентиналик футболчи карантиндаги ҳар ойда 4,2 млн евро йўқотади. Унинг “Барса”даги ойлик маоши 6 млн еврони ташкил этади. Бироқ, каталонияликлар раҳбарияти юзага келган инқироздан чиқиш учун футболчилар маошини 70 фоизгача камайтиришга мажбур бўлишди. Шу боис Мессининг ойлик маоши вақтинча 1,8 млн еврони ташкил этади.

Айтиш керакки, коронавирус пандемияси Ла Лига ўйинлари номаълум муддатга қолдирилган эди.