Месси қачондан ПСЖга ёрдам беришни бошлайди?
ПСЖ клубининг янги аъзоси Лионель Месси яқинлашиб келаётган "Страсбур"га қарши ўйинни ўтказиб юборади.
Le Parisien нашри тарқатган хабарга қараганда, 34 ёшли аргентиналик футболчи эндигина машғулотларни бошлаган ва у 29 августга қадар ўз спорт формасини тиклаб олади.
Шу тариқа Лео Франциялик чемпионатининг 4-туридан ўрин олган “Реймс”га қарши ўйинда ПСЖга ёрдам бериши мумкин.
"Страсбу"га қарши ўйинда коронавирусдан соғайган Идрисса Гуйе майдонга тушиши мумкин. Аммо Неймар, Анхель Ди Мария, Марко Верратти ва Жанлуижи Доннарумма каби футболчиларнинг ушбу баҳсда иштирок этиши борасида якуний қарор эълон қилинмаган.
ПСЖ ва "Страсбур" жамоалари учрашуви 14 август куни Тошкент вақти билан соат 00:00 да бошланади.
Фикрлар