Месси қаҳрамонлик кўрсатди

Саккиз карра “Олтин тўп” соҳиби “Интер Майами”нинг ҳақиқий қаҳрамонига айланди. Унинг жамоаси МЛС плей-офф босқичида қийинчилик билан бўлса-да, чорак финалга йўлланма олди.

Нимчорак финалда флоридаликларга “Нэшвилл” рўбарў келди. Дастлабки икки учрашувдан кейин томонлар биттадан ғалабага эришгани учун умумий ҳисоб тенг эди – 1:1.

Ҳал қилувчи учинчи баҳсда Месси катта саҳнага чиқда. Аргентиналик юлдуз биринчи бўлимнинг ўзида иккита тўп киритиб, масалани ҳал қилди. Ўйиннинг иккинчи ярмида Месси дубль қайд этган жамоадоши Тадео Алленденинг бир голига пас берди.

“Нэшвилл” устидан 4:0 ҳисобида зафар қучган “Интер Майами” бош соврин учун юришини давом эттиради. Кейинги босқичда Месси жамоаси “Цинциннати” билан рақобатлашади.