Месси Роналдуга босим ўтказа бошлади

“Интер Майами” ҳужумчиси Лионель Месси “Крус Асуль”  жамоасига (2:0) қарши Кампеонес кубоги учун ўтказилган учрашувда гол урди. 81-дақиқада якуний ҳисобни ярим ҳимоячи Каземиро Мессининг узатмасидан кейин рақиб дарвозасини ишғол қилиб ўрнатди.

39 ёшли аргентиналик футболчи 24-дақиқада гол урди.

Бу гол Месси фаолиятидаги 929-гол бўлди — у бу натижага 1175 та учрашувда эришди. Шунингдек, бу гол аргентиналик футболчининг “Интер Майами” сафидаги 100-голи бўлди. Ҳужумчининг ҳисобида яна 424 та голли узатма бор.

“Ан-Наср” 41 ёшли ҳужумчиси Криштиану Роналду  жаҳон футболида энг кўп гол урган ўйинчи ҳисобланади. Португалиялик юлдуз 1337 та учрашувда 979 та гол урган ва 261 та голли узатмани амалга оширган.

Лионель Месси Роналдуга етиб олиши учун 50 та гол фарқ қилмоқда. Кейинги пайтда аргентиналик ҳужумчи рақобатчисига нисбатан кўпроқ гол уряпти.