Месси турганда Бензема “Олтин тўп”га муносиб эмас!

Мавсумни жуда юқори савияда ўтказаётган “Реал” ҳужумчиси Карим Бензема бу галги “Олтин тўп”га асосий даъвогар ҳисобланмоқда.

Лекин “Атлетико” ҳужумчиси Луис Суарес кўпчиликнинг фикрига қарши чиқди. Уругвайлик тўпурар “Барселона”да бирга ўйнаган дўсти Лионель Мессини ҳаммадан устун қўймоқда.

- Бу мавсум учун “Олтин тўп”ни Карим Бензама олиши керак. Бироқ, шахсан мен учун бу соврин фақат Лионель Мессига берилиши керак. Чунки Лео дунёнинг энг яхши ўйинчиси, - деди Луис Суарес.

Эслатиб ўтамиз, Месси фаолияти давомида “Олтин тўп”ни энг кўп – етти марта қўлга киритган.

Карим Бензема олдида битта учрашув турибди. Агар франциялик тўпурар 28 май куни бўладиган Чемпионлар лигаси финалида ҳам ўзини кўрсатса, бу галги соврин шубҳасиз унга насиб қилади.