Месси учта вариантдан бирини танлайди

Лионель Мессининг “Барселона”даги фаолиятига ҳали ойдинлик киритилгани йўқ. Клуб жиддий ўзгаришларни бошлаш арафасида. Футбол таҳлилчилари бу вазиятда аргентиналик ҳужумчининг олдида учта вариант борлигини таъкидлашмоқда.

Биринчидан, Лео ҳамкорликни муддатидан аввал тўхтатиб, ёзги трансферлар вақтида бошқа жамоага ўтиб кетиши мумкин. Унга “Интер” ва “Манчестер Сити” харидор бўлмоқда ва аргентиналик ҳужумчи учун ҳар икки клуб ҳам пулни аямаслигини маълум қилган.

Иккинчидан, Месси амалдаги битим якунлангунича жамоада қолган ҳолда, қишда  бошқа жамоалар билан музокара бошлаш имкониятига эга. Шунда, у янги жамоага эркин агент сифатида ўта олади.

Учинчидан, томонлар ўзаро ҳамкорликни узайтириш бўйича янги битимга имзо чекиши мумкин. Лекин Месси бундан бўлиши учун “Барселона”да структуравий ўзгаришлар амалга оширилишини талаб қилган. У клуб бошқаруви раҳбарларининг қарорлари ва юритаётган сиёсатидан норози бўлаётган эди. Буни билдириш учун янги шартнома бўйича музокараларни музлатиб қўйганди.

Лионель Месси “Барселона” таркибида 2003 йилдан буён тўп сурмоқда. У клуб тарихида энг кўп гол урган ва олти маротаба “Олтин тўп”га эга чиққан ягона футболчи ҳисобланади.

“Барса”нинг янги бош мураббийи жамоага янги етакчи олиб келади