Messi: "Vaziyat jiddiy emas deb o‘ylayman"

Argentina terma jamoasi hujumchisi Lionel Messi Chili terma jamoasi bilan Amerika kubogi guruh bosqichi o‘yinida o‘ng son mushaklarini shikastlab oldi. Futbolchi tibbiy ko‘rikdan o‘tadi, deb xabar bermoqda "Tyc Sports".

Argentina bugun Chilini 1:0 hisobida mag‘lub etdi. Lionel 90 daqiqa maydonda harakat qildi.

"Men biroz xavotirda edim, lekin 90 daqiqa o‘ynay oldim. Umid qilamanki, bu jiddiy narsa emas. Ko‘ramiz, keyin nima bo‘ladi, lekin noqulaylik tufayli erkin harakat qilish qiyin", - dedi Messi o‘yindan keyin.

Ma’lumot uchun, ikki turdan so‘ng Argentina olti ochko jamg‘arib, turnirning pley-off bosqichiga yo‘llanmani kafolatladi. Argentinaliklar guruh bosqichining so‘nggi o‘yinini 30 iyun kuni Peru termasiga qarshi o‘tkazadi.